ម្ចាស់ភាគហ៊ុនរបស់យើង

ឈ្មោះក្រុមហ៊ុន

បង្កើតក្នុងប្រទេស

អាជីវកម្មចម្បង

ប្រទេសជប៉ុន ១៩៩៩

ជាក្រុមហ៊ុនដែលពីមុនត្រូវបានគេស្គាល់ថាជា Softbank Investment Corporation ហើយត្រូវបានប្តូរឈ្មោះមកជា SBI Holdings, Inc. វិញនៅខែកក្កដា ឆ្នាំ២០០៥។ SBI Holdings, Inc. ត្រូវបានបង្កើតឡើងក្នុងឆ្នាំ១៩៩៩ និងមានការិយាល័យកណ្តាលនៅទីក្រុងតូក្យូ ប្រទេសជប៉ុន។
SBI Group មានក្រុមហ៊ុនចំនួន ៥៥៤ ដែលក្នុងនោះ ៤៩៣ គឺជាក្រុមហ៊ុនបុត្រសម្ព័ន្ធរួម ហើយ ៦១ គឺជាក្រុមហ៊ុនផ្នែកមូលធន បានចូលរួមក្នុងសកម្មភាពអាជីវកម្មជាច្រើន ជាពិសេសអាជីវកម្មសេវាកម្មហិរញ្ញវត្ថុតាមអ៊ីនធឺណិត និងសកម្មភាពវិនិយោគក្នុងប្រទេសជប៉ុន និងក្រៅប្រទេស។
ចាប់ពីឆ្នាំសារពើពន្ធ២០២២ ការអនុវត្តការផ្លាស់ប្តូរផ្នែកអាជីវកម្មដែលបានគ្រោងទុក ដោយផ្លាស់ប្តូពី ‘អាជីវកម្មសេវាកម្មហិរញ្ញវត្ថុ’, ‘អាជីវកម្មគ្រប់គ្រងទ្រព្យសកម្ម’ និង ‘អាជីវកម្មទាក់ទងនឹងបច្ចេកវិទ្យាជីវសាស្រ្ត’ ទៅជាអាជីវកម្មហិរញ្ញវត្ថុ (អាជីវកម្មសេវាកម្មហិរញ្ញវត្ថុ អាជីវកម្មគ្រប់គ្រងទ្រព្យសកម្ម អាជីវកម្មវិនិយោគ អាជីវកម្មគ្រីបតូ-ទ្រព្យសកម្ម) និងអាជីវកម្មមិនមែនហិរញ្ញវត្ថុ (អាជីវកម្មមិនមែនហិរញ្ញវត្ថុ)។

បើប្រៀបធៀបតួលេខនៃរយៈពេលដូចគ្នានៃឆ្នាំសារពើពន្ធ២០២០ និងឆ្នាំ២០២១ ប្រាក់ចំណូលរបស់ក្រុមហ៊ុន SBI Group បានកើនឡើង ៤១.១% (៧៦៣.៦ពាន់លានយេន) ពី (៥៤១.១៤ពាន់លានយេន) ប្រាក់ចំណេញមុនពេលចំណាយពន្ធលើប្រាក់ចំណូលបានកើនឡើង ១៩៤.០% (៤១២.៧២ពាន់លានយេន) ពី (១៤០.៣៨ពាន់លានយេន) ហើយប្រាក់ចំណេញដែលជាកម្មសិទ្ធិរបស់ក្រុមហ៊ុនបានកើនឡើង ៣៥២.៤% (៣៦៦.៨ពាន់លានយេន) ពី (៨១.០៩ពាន់លានយេន) ដែលជាកម្រិតខ្ពស់ជាប្រវត្តិសាស្ត្រចាប់តាំងពីការចាប់ផ្តើមរបស់ក្រុមហ៊ុន។

ក្រុមហ៊ុនសេវាកម្មហិរញ្ញវត្ថុរបស់យើងដូចជា SBI SECURITIES, SBI Sumishin Net Bank និង SBI Insurance បន្តទទួលបានពិន្ទុខ្ពស់សម្រាប់ការពេញចិត្តរបស់អតិថិជន។

ទ្រព្យសកម្មសរុបដែលកាន់កាប់ដោយ SBI Holdings, Inc. មានចំនួនប្រហែល ១៧.៨៤ទ្រីលលានយេន គិតត្រឹមខែមីនា ឆ្នាំ២០២២ កើនឡើងពីប្រហែល ៧.២១ទ្រីលលានយេន នៅក្នុងឆ្នាំសារពើពន្ធមុន។

SBI Holdings Inc. ត្រូវបានចុះបញ្ជីនៅផ្សារហ៊ុនតូក្យូ (8473: Tokyo)។

ប្រទេសថៃ ២០០២

Finansia Syrus Securities Public Company Limited (FSS) ជាក្រុមហ៊ុនមូលបត្រឈានមុខគេមួយនៅក្នុងព្រះរាជាណាចក្រថៃ។ FSS គឺជាសមាជិកលេខ ២៤ របស់ផ្សារមូលបត្រព្រះរាជាណាចក្រថៃ។ ក្រុមហ៊ុននេះដំណើរការនៅក្នុងប្រទេសថៃជាមួយនឹងអាជ្ញាប័ណ្ណ SEC រួមមានៈ អាជីវកម្មឈ្មួញជើញសារមូលបត្រ និងឧបករណ៍និស្សន្ទ អាជីវកម្មជួញដូរមូលបត្រ និងឧបករណ៍និស្សន្ទ អាជីវកម្មផ្តល់ប្រឹក្សាវិនិយោគ អាជីវកម្មធានាទិញមូលបត្រ និងការខ្ចីប្រាក់ និងផ្តល់ប្រាក់កម្ចី និងជាភ្នាក់ងារលក់សម្រាប់អង្គភាពទុកចិត្ត។
ក្នុងរយៈពេល ១០ ឆ្នាំចុងក្រោយក្នុងកំឡុងឆ្នាំ ២០១០-២០១៩ ចំណែកទីផ្សាររបស់ក្រុមហ៊ុនតែងតែជាប់ចំណាត់ថ្នាក់ក្នុងចំណោមពីរដំបូងគេនៅក្នុងអាជីវកម្មមូលបត្រ។ ក្នុងនាមជាក្រុមហ៊ុនឈ្មួញជើងសាឈានមុខគេ រហូតមកដល់ឆ្នាំ២០២២ FSS មានមូលដ្ឋានអតិថិជនរួមមានអតិថិជនច្រើនជាង ១៥០,០០០ នាក់ ទាំងអតិថិជនរូបវន្តបុគ្គល និងស្ថាប័ន ជាមួយនឹងអ្នកប្រឹក្សាវិនិយោគសំខាន់ៗ (ICs) សរុបចំនួន ៥០៦ នាក់ និង ១៤ខេត្ត និង ២៤សាខា។
ក្រុមហ៊ុនធានាទិញលក់មូលបត្រ FSS នាំមុខគេនៅក្នុង IPOs ក្នុងរយៈពេល ៧ឆ្នាំ ជាប់ៗគ្នា និងជាប់ចំណាត់ថ្នាក់ទី៣ សម្រាប់ឆ្នាំ២០២១ និង ៦ខែ នៃឆ្នាំ២០២២ នៃចំណែកទីផ្សារឈ្មួញជើងសារនៅក្នុងប្រទេសថៃ។
ក្រុមហ៊ុនត្រូវបានទទួលស្គាល់ថាជាក្រុមហ៊ុនឈ្មួញជើងសារកំពូលមួយនៅក្នុងប្រទេសថៃ និងជាក្រុមហ៊ុនឈានមុខគេក្នុងការជួញដូរភាគហ៊ុន និងបែបបទស្រាវជ្រាវដ៏ទូលំទូលាយបំផុតជាមួយនឹងផលិតផលថ្មីបំផុតរបស់ខ្លួន “Finansia Hero” ។
ភ្ជាប់ទៅ៖ Finansia Syrus Securities Public Company Limited (fnsyrus.com)

ប្រទេសកម្ពុជា ១៩៩១

ក្រុមហ៊ុនរ៉ូយ៉ាល់គ្រុប ជាក្រុមហ៊ុនវិនិយោគ និងអភិវឌ្ឍន៍ឈានមុខមួយនៅក្នុងព្រះរាជាណាចក្រកម្ពុជា។
ក្រុមហ៊ុនរ៉ូយ៉ាល់គ្រុបត្រូវបានចាត់ទុកជាបេះដូងនៃការអភិវឌ្ឍន៍សេដ្ឋកិច្ច ជាងពីរទសវត្សមកហើយ ដោយបានគៀរគរវិនិយោគិនបរទេស និង បង្កើតបានជាអ្នកដឹកនាំទីផ្សារលើគ្រប់វិស័យ។
ក្រុមហ៊ុនរ៉ូយ៉ាល់គ្រុប គឺជាក្រុមហ៊ុនដែលគ្រប់គ្រងការវិនិយោគជាយុទ្ធសាស្ត្ររបស់ប្រទេសកម្ពុជា ត្រូវបានទទួលស្គាល់ថាជាក្រុមហ៊ុនអាជីវកម្មដែលមានថាមពល និងចម្រុះបំផុតរបស់ប្រទេស។ ជាមួយនឹងចំណាប់អារម្មណ៍នៅក្នុងឧស្សាហកម្មជាច្រើន រួមមានទូរគមនាគមន៍ (Cellcard) ការដឹកជញ្ជូន ថាមពល ប្រព័ន្ធផ្សព្វផ្សាយ និងការកម្សាន្ត (CTN និង MyTV) ធនាគារ និងហិរញ្ញវត្ថុ (ធនាគារ Wing Cambodia និង J Trust Royal) ការធានារ៉ាប់រង សណ្ឋាគារ និងរមណីយដ្ឋាន ការអប់រំ ការអភិវឌ្ឍន៍អចលនទ្រព្យ ការជួញដូរ និងកសិកម្ម។
ជាច្រកផ្លូវវិនិយោគយុទ្ធសាស្ត្រមកកាន់ប្រទេសកម្ពុជាដែលមានប្រវត្តិនៃភាពជា ដៃគូឈានមុខគេក្នុងទីផ្សារប្រកបដោយជោគជ័យ ជាមួយអ្នកវិនិយោគក្នុងវិស័យឧស្សាហកម្មចម្រុះ ក្រុមហ៊ុនរ៉ូយ៉ាល់គ្រុបផ្តល់ជូននូវសក្តានុពលវិនិយោគដ៏លើសលប់ នៅក្នុងសេដ្ឋកិច្ចទីផ្សារសេរីពិតប្រាកដដំបូងគេនៅក្នុងតំបន់មេគង្គនៃអាស៊ី។
ភ្ជាប់ទៅ៖ The Royal Group of Cambodia