សំណួរអតិថិជន
សំណួរទូទៅ
- ១. តើក្រុមហ៊ុនអ្នកជាក្រុមហ៊ុនអ្វី?
- អេសប៊ីអាយ រ៉ូយ៉ាល់ ស៊ីឃ្យួរឹធី ជាក្រុមហ៊ុនមូលបត្រជប៉ុនតែមួយគត់ដែលទទួលបានអាជ្ញាបណ្ណពីនិយ័តករមូលបត្រកម្ពុជា(ន.ម.ក)ដើម្បីធ្វើប្រតិបតិ្តការអាជីវកម្មមូលបត្រនៅក្នុងព្រះរាជាណាចក្រកម្ពុជា។ ដោយមានការគាំទ្រពីភាគហ៊ុនិកដែលមានបទពិសោធ៍របស់យើងមានដូចជា SBI Holdings គឺជាក្រុមហ៊ុនមួយក្នុងចំណោមបណ្តាក្រុមហ៊ុនហិរញ្ញវត្ថុដែលមានគំនិតឆ្នៃប្រឌិតថ្មីនៅប្រទេសជប៉ុន Financia Syrus Securities ដែលជាក្រុមហ៊ុនមូលបត្រធំជាងគេនៅប្រទេសថៃ និងរ៉ូយ៉ាល់គ្រុបដែលជាក្រុមហ៊ុនធំជាងគេមួយនៅ ក្នុងប្រទេសកម្ពុជា យើងធានាផ្តល់ជូននូវសេវាល្អបំផុតសម្រាប់អតិថិជនទាំងអស់។
- ២. តើអ្នកមានសេវាកម្មចំបងអ្វីខ្លះ?
- ក្រុមហ៊ុនយើងខ្ញុំមានផ្តល់ជូននូវសេវាកម្ម មានដូចជាឈ្មួញជើងសាមូលបត្រ និងហរិញ្ញវត្ថុសាជីវកម្ម។ សេវាកម្មចំបងដែលក្រុមការងារឈ្មួញជើងសាមូលបត្រនឹងផ្តល់ជូនលោកអ្នកគឺ ការបើកគណនីជួញដូរមូលបត្រ និងការជួញដូរមូលបត្រ ជាមួយគ្នានោះដែរ ក្រុមការងារហរិញ្ញវត្ថុសាជីវកម្មគឺផ្តោតសំខាន់ទៅលើសេវាប្រឹក្សាក្នុងការធានាទិញមូលបត្រ និងប្រតិបត្ដិការ នៃការរំលាយក្រុមហ៊ុនបញ្ចូលគ្នានិងការទិញយករវាងក្រុមហ៊ុនក្នុងស្រុកនិងក្រៅប្រទេស។
- ៣. តើក្រុមការងារឈ្មួញជើងសាមូលបត្រគឺជាអ្នកណា?
- ក្រុមការងារឈ្មួញជើងសាមូលបត្រយើងខ្ញុំ គឺជាក្រុមការងារជំនាញដែលសមាជិកក្នុងក្រុមសុទ្ធតែបានទទួលអាជ្ញាបណ្ណពីនិយ័តករមូលបត្រកម្ពុជា(ន.ម.ក)ទទួលស្គាល់ធ្វើជាភ្នាក់ងារក្រុមហ៊ុនមូលបត្រ។
- ៤. តើអ្នកគិតកម្រៃជើងសារប៉ុន្មាន?
- យើងខ្ញុំផ្តល់ជូនកម្រៃជើងសារដែលមានការប្រកួតប្រជែង ត្រឹមតែ ០,៥ ភាគរយសម្រាប់ការជួញដូរភាគហ៊ុន ០,២ ភាគរយសម្រាប់ការជួញដូរបណ្ណបំណុល និងមិនមានការគិតកម្រៃ ជើងសារអប្បបរមាទេ។ យើងខ្ញុំគិតកម្រៃទៅលើ ប្រតិបត្តិការជួញដូរដែលជោគជ័យតែប៉ុណ្ណោះ។
- ៥. តើខ្ញុំត្រូវធ្វើដូចម្តេចដើម្បីក្លាយជាអតិថិជនរបស់អ្នក? តើមានគិតកម្រៃសេវាទេ?
- លោកអ្នកត្រូវបើកគណនីជួញដូរមូលបត្រជាមួយក្រុមហ៊ុនយើងខ្ញុំ។ ក្រុមហ៊ុននឹងបើកគណនី ជូនលោកអ្នកដោយមិនមានគិតកម្រៃសេវាទេ។
- ៦. តើអ្នកទទួលការបើកគណនីពីក្រៅប្រទេសដែរ ឬទេ?
- ពិតប្រាកដណាស់ លោកអ្នកអាចដាក់ពាក្យស្នើបើកគណនីពីក្រៅប្រទេសបាន។
- ៧. តើខ្ញុំអាចទាក់ទងទៅក្រុមការងារឈ្មួញជើងសាមូលបត្រដោយរបៀបណា?
- លោកអ្នកអាចទាក់ទងមកយើងខ្ញុំបានតាមរយៈ៖
ទូរស័ព្ទលេខ៖ +៨៥៥ ២៣ ៩៩៩ ៥៩៥
អ៊ីម៉ែល៖ brokerage@sbiroyal.com.kh
អាសយដ្ឋាន ជាន់ទី១៣A អាគារព្រីនស៍ភ្នំពេញថៅវ័រ លេខ ៤៤៥ មហាវិថីព្រះមុនីវង្ស សង្កាត់បឹងព្រលឹត ខណ្ឌ៧មករា រាជធានីភ្នំពេញ។ លោកអ្នកអាចទាក់ទងមក ក្រុមការងារឈ្មួញជើងសាមូលបត្រយើងខ្ញុំបានរៀងរាល់ថ្ងៃច័ន្ទដល់ថ្ងៃសុក្រ ចាប់ពីម៉ោង៧:៣០ព្រឹកដល់ម៉ោង៤:៣០ល្ងាច លើកលែងថ្ងៃឈប់សម្រាកជាសាធារណៈ។
ពាក្យសុំបើកគណនី
- ១. តើមានគណនីប៉ុន្មានប្រភេទ សម្រាប់ការជួញដូរមូលបត្រ?
- ក្រុមហ៊ុនយើងខ្ញុំមានគណនីពីរប្រភេទគឺ គណនីជួញដូរមូលបត្រសម្រាប់រូបវ័ន្គបុគ្គល និងសម្រាប់នីតិបុគ្គល។
- ២. តើតម្រូវអោយមានឯកសារអ្វីខ្លះដើម្បីបើកគណនីបាន?
ឯកសារខាងក្រោមនេះគឺតម្រូវអោយមានសម្រាប់ការបើកគណនី៖
គណនីសម្រាប់រូបវ័ន្តបុគ្គល
- អត្តសញ្ញាណប័ណ្ណ (សម្រាប់ខ្មែរ) ឬ លិខិតឆ្លងដែនដែលមានសុពលភាព (សម្រាប់បរទេស)ថតចម្លង
- រូបថត ១សន្លឹក (ទំហំ ៤*៦)
- ព័ត៌មានគណនីធនាគារ
- លេខអត្តសញ្ញាណវិនិយោគិនចេញដោយនិយ័តករមូលបត្រកម្ពុជា(ន.ម.ក)*
គណនីសម្រាប់នីតិបុគ្គល
- លក្ខន្តិកៈក្រុមហ៊ុន
- វិញ្ញាបនប័ត្រចុះបញ្ជីពាណិជ្ជកម្ម
- អាជ្ញាប័ណ្ណប្រកបអាជីវកម្ម (ប្រសិនបើមាន)
- សេចក្តីសម្រេច របស់ក្រុមប្រឹក្សាភិបាល / លិខិតផ្ទេរសិទ្ធិ
- បញ្ជីឈ្មោះអភិបាល និងភាគហ៊ុនិក
- ប័ណ្ណប៉ាតង់ / វិញ្ញាបនប័ត្រពន្ធ
- អត្តសញ្ញាណប័ណ្ណ (សម្រាប់ខ្មែរ) ឬ លិខិតឆ្លងដែនដែលមានសុពលភាព (សម្រាប់បរទេស)ថតចម្លង របស់អ្នកតំណាង
- អត្តសញ្ញាណប័ណ្ណ (សម្រាប់ខ្មែរ) ឬ លិខិតឆ្លងដែនដែលមានសុពលភាព (សម្រាប់បរទេស)ថតចម្លង របស់អភិបាលទាំងអស់
- រូបថត ១សន្លឹករបស់អ្នកតំណាង (ទំហំ ៤*៦)
- លេខអត្តសញ្ញាណវិនិយោគិនចេញដោយនិយ័តករមូលបត្រកម្ពុជា(ន.ម.ក)*
- ព័ត៌មានគណនីធនាគារ
*លេខអត្តសញ្ញាណវិនិយោគិនចេញដោយនិយ័តករមូលបត្រកម្ពុជា(ន.ម.ក)
វិនិយោគិនត្រូវស្នើសុំលេខអត្តសញ្ញាណវិនិយោគិនដោយផ្ទាល់ទៅនិយ័តករមូលបត្រកម្ពុជា(ន.ម.ក) ឬក៏តាមរយៈក្រុមហ៊ុន អេសប៊ីអាយ រ៉ូយ៉ាល់ ស៊ីឃ្យួរឹធី មុននឹងបើកគណនីជួញដូរមូលបត្រ។ គ្រាន់តែបំពេញពាក្យស្នើសុំលេខអត្តសញ្ញាណវិនិយោគិន ដោយភ្ជាប់មកជាមួយនូវឯកសារតម្រូវដូចខាងក្រោម៖
- អត្តសញ្ញាណប័ណ្ណ (សម្រាប់ខ្មែរ) ឬ លិខិតឆ្លងដែនដែលមានសុពលភាព (សម្រាប់បរទេស)ថតចម្លង របស់អ្នកតំណាង
- រូបថត ១សន្លឹក (ទំហំ ៤*៦)
- ថ្លៃសេវាពាក្យស្នើសុំចំនួន ២០.០០០រៀល ឬ ៥ដុល្លារ (នឹងត្រូវបង់ដោយវិនិយោគិនជារូបវ័ន្តបុគ្គល)
- ថ្លៃសេវាពាក្យស្នើសុំចំនួន ៥០.០០០រៀល ឬ ១៣ដុល្លារ (នឹងត្រូវបង់ដោយវិនិយោគិនជានីតិបុគ្គល)
ការជួញដូរមូលបត្រ
- ១. តើខ្ញុំអាចធ្វើការដាក់ប្រាក់ដោយរបៀបណា?
- លោកអ្នកអាចដាក់ប្រាក់ ឬផ្ទេរប្រាក់ ទៅគណនីទទួលសាច់ប្រាក់ SBI Royal Securities-Cash Collection Account (០០១ ០០០១៥៦៩៣២៨) នៅ Canadia Bank Plc. លេខកូដ SWIFT ៖ CADIKHPP។ សូមផ្តល់ព័ត៌មានដូចជា ឈ្មោះ លេខអត្តសញ្ញាណវិនិយោគិន និងលេខគណនីជួញដូរមូលបត្រ នៅពេលអ្នកធ្វើការដាក់ប្រាក់ ឬផ្ទេរប្រាក់។
- ២. តើខ្ញុំអាចបញ្ជាការជួញដូរជាមួយនឹងឈ្មួញជើងសាមូលបត្រ អេសប៊ីអាយ រ៉ូយ៉ាល់ ដោយរបៀបណា?
1. លោកអ្នក អាចបញ្ជាការជួញដូរដោយអញ្ជើញមកកាន់ការិយាល័យរបស់យើងខ្ញុំ ដោយផ្ទាល់ ឬ តាមរយៈទូរស័ព្ទ (+៨៥៥ ២៣ ៩៩៩ ៥៩៥) ឬ អ៊ីម៉ែលមកកាន់ (brokerage@sbiroyal.com.kh) ឬ ទូរសារ (+៨៥៥ ២៣ ៩៩៦ ៩៧៣)។
សូមផ្តល់ព័ត៌មានដូចខាងក្រោម៖
*ព័ត៌មានអំពីគណនីជួញដូរមូលបត្រ៖ ឈ្មោះអតិថិជន និងលេខគណនីជួញដូរមូលបត្រ លេខអត្តសញ្ញាណវិនិយោគិន
*ព័ត៌មានអំពីមូលបត្រ៖ ឈ្មោះ និងលេខកូដមូលបត្រ ប្រភេទនៃការបញ្ជាៈទិញ/លក់/ផ្លាស់ប្តូរ/លុបចោល ចំនួនមូលបត្រ តម្លៃក្នុងមួយឯកតា និង លក្ខខណ្ឌៈបញ្ជាដែន កំណត់/បញ្ជាទីផ្សារ-FAS/បញ្ជាទីផ្សារ-FAK/បញ្ជាទីផ្សារ-FOK ។
2. លោកអ្នក អាចបញ្ជាការជួញដូរតាមរយៈ ´ប្រព័ន្ធជួញដូរចល័ត´ ដោយចូលទៅកាន់ https://mts.csx.com.kh ដើម្បីចុះឈ្មោះដោយផ្ទាល់ជាមួយផ្សារមូលបត្រកម្ពុជា ។
- ៣. តើខ្ញុំអាចពិនិត្យមើលព័ត៌មានទិន្នន័យទីផ្សារបានដោយរបៀបណា?
1. លោកអ្នក ត្រូវចុះឈ្មោះសម្រាប់សេវាព័ត៌មានតាមរយៈគេហទំព័រជាមួយក្រុមហ៊ុន អេសប៊ីអាយ រ៉ូយ៉ាល់ ស៊ីឃ្យួរឹធី ដោយទាញយក និង បំពេញពាក្យស្នើសុំ បន្ទាប់មកផ្ញើអ៊ីម៉ែលមកកាន់ brokerage@sbiroyal.com.kh។ យើងខ្ញុំនឹងជូនដំណឹងលោកអ្នកវិញនូវលេខសម្គាល់អ្នកប្រើប្រាស់ និងពាក្យសម្ងាត់ក្នុងអំឡុងពេល២ថ្ងៃនៃថ្ងៃធ្វើការ។
2. លោកអ្នក ត្រូវចុះឈ្មោះសម្រាប់សេវាព័ត៌មានតាមរយៈ ´ប្រព័ន្ធជួញដូរចល័ត´ តាមរយៈគេហទំព័រ https://mts.csx.com.kh របស់ផ្សារមូលបត្រកម្ពុជា ដោយការទាញយក និងបំពេញពាក្យស្នើសុំ ។
ការទូទាត់
- ១. តើការទូទាត់ចំណាយពេលប៉ុន្មានថ្ងៃ?
- ការទូទាត់គឺប្រើពេល ២ថ្ងៃនៃថ្ងៃធ្វើការ បន្ទាប់ពីថ្ងៃដែលប្រតិបត្តិការនោះត្រូវបានជួញដូរ (T+2)។ យ៉ាងណាមិញ ការជួញដូរមុនការទូទាត់ត្រូវបានអនុញ្ញាត ដោយអ្នកវិនិយោគអាចលក់ចេញមូលបត្រដែលបានទិញចូល និងអាចទិញមូលបត្រជាមួយចំនួនទឹកប្រាក់ដែលបានលក់ចេញបានភ្លាមៗ។
- ២. តើរូបិយប័ណ្ណអ្វី ត្រូវបានប្រើសម្រាប់ការទូទាត់?
- ការជួញដូរមូលបត្រ និងការទូទាត់ ត្រូវទូទាត់ជារូបិយប័ណ្ណខ្មែររៀល (KHR)។
- ៣. តើខ្ញុំអាចដកសាច់ប្រាក់ចេញពីគណនីជួញដូរមូលបត្ររបស់ខ្ញុំបានដោយរបៀបណា?
- លោកអ្នក ត្រូវបំពេញទម្រង់បែបបទពាក្យស្នើសុំដកប្រាក់ (Fund Withdrawal Request) និងភ្ជាប់មកជាមួយនូវអត្តសញ្ញាណប័ណ្ណ (សម្រាប់ខ្មែរ) ឬ លិខិតឆ្លងដែន ដែលមានសុពលភាព (សម្រាប់បរទេស)។ បន្ទាប់មក ក្រុមហ៊ុននឹងចេញនូវសំណើរដកប្រាក់ ដើម្បីដកសាច់ប្រាក់ ឬក៏ផ្ទេរប្រាក់ទៅគណនីធនាគាររបស់លោកអ្នកនៅ Canadia Bank Plc. បានផងដែរ។
